«Сияжар» о новом проекте «Торамы»

Аф фкя лацонь лувити — аф фкя лацонь книга: Аймаксонок «Культура» национальнай проектть «Творческяй ломатть» федеральнай проектонц видеса Россиянь культурань фондть грантонь проектса «Национальная безопасность и наука» информационно-аналитикань центрась и Фолк-группа «ТОРАМА» сувафтозь эряфс «Сяськомань Поэзия» «корхтай» книгать тяштеманц, конац лемдевсь сокор ломаттненди. «Сяськомань Поэзия» изданиясь — Инь Оцю Отечетсвеннай войнать поэтическяй антологияц, конань видеса няфтьф рузонь, мокшень и эрзянь кяльса поэт-фронтовикнень творчествасна. Книгать кучкастонь вешфксоц — мърдафтомс минь Сяськоманьконди сонь афкуксонь трагическяй и тяка жа пингть валда тюснень, ломанень эряфнень, сонь духовнай и историческяй вастонц. Аудио-книгать видес сувафтовсь 400 поэтическяй произведенияда и лувондови национальнай кяльса аф фкя лацонь изданиякс, конац сувафтсть оцю путфкс мокшэрзянь культурать ванфтоманцты и касфтоманцты.

Тяниень пингть «Сяськомань Поэзия» аудио-книгась пяшкотькшнесыне публичнай и сокор ломаттненди специальнай морафтомань куттнень фондснон Мастороньконь эрь кодама аймаксонза. Проектть нолдаманцты тяфта жа лездсть Мордовиянь культурань, национальнай политикань и архивонь тевонь министерствась, Терроризмать каршес республикань комиссиясь, коррупциять каршес и общественнай зиянфтомашить коряс аймаконь оцюнять управленияц. «Торама» фольклоронь ансамбльсь творчествать ширеса фалу вешенди мялень салай од кит. Коллективть участниконза Сяськомать 75-це кизонь юбилеенцты арьсекшнесть эрь кодама проектт, примасть участия лама лувксонь онлайн-акциятнень и марафоттнень видеса. Тяниень пингть моли од альбомонь анокламась. Тяфта жа тя кизоста ансамблсь арьсеманц эзда тяшкстай
30 кизонь юбилей. Тя событияти ацамковть 24-це шистонза Яушевонь лемса оперань и балетонь театраса «Торамась» симфоническяй орекстр мархта арьси ётафтомс оцю концерт.

Больше видео и фото о творческой жизни ансамбля «Торама» можно найти здесь:

Мы в инстаграм: https://www.instagram.com/torama_offi

Мы в ВК: https://vk.com/torama

Мы в Youtube: https://www.youtube.com/c/toramaofficial/videos